आयुष्याचे रंग....

एका या आयुष्याचे रंग किती
एका रंगाची परतफेड करतो म्हटलं ,तरी सारं आयुष्य मार्गी लागतं..
नाही प्रश्न रंगांचा नाही..
प्रश्न आहे परतफेडीचा .!!
खर्चताना ते सुख जरा विसावून बघितलं कां?
क्षणभर त्या दुःखाला अनुभवून बघितला का..
नाही, सुखाचा आनंद घेता घेता
नंतर दुःखाची परतफेड कशी करावी हे कळतचं नाही..

जश्या वेगवेगळ्या व्यक्ती, तसेच रंगीबेरंगी त्यांचे रंग
जसे निरनिराळे स्वभाव त्यांचे,तसेच न उलगडणारे ढंग
विचित्र ते वागणे त्यांचे, अगदी मन होते त्यात दंग
मग उरतो तो माणुसकीचा विश्वास,मात्र त्याचासुद्धा कधीतरी  होतो भंग..

जरा कधी विचार करुन, एकदा मनाला सांगुन बघावं
माणुसकीचे ते चार क्षण कुणासाठी तरी जगुन बघावं
निरनिराळ्या या रंगाची परतफेड करुन बघावं
आणि प्रेमाच्या इंद्रधनुष्यातले ते सप्तरंग अनुभवुन बघावं

पैसा, प्रतिष्ठा मिळवता मिळवता  कधीतरी सगळे रंग उडुन जातात..
आणि मग उरते ते रंगांधळेपण या थकलेल्या डोळ्यातं
शोधतो आपण मग त्या रंगाधळलेल्या द्रुष्टीने सारं धग
आणि मग सामावतच नाही या थकलेल्या, दृष्टीत हे सार जगं........

-नयन.मोहितकर