जर तू जवळ असतीस तर …… (jar tu javal astis tar)

जर  तू जवळ असतीस तर ……

जर तु जवळ असतीस तर...
हे मन असे चंचल दरवळले असते
मन फिरुन अन् फिरुन तुझ्याच ह्रदयात सामावले असते
भेटीच्या ऒढीने अगदी बेधुंद नाचले असते
आणि फिरता फिरता अगदी तुझ्याच कुशीत येउन निजले असते..
जर तु जवळ असतीस तर...  माझे हे मन तुझ्याचसाठी हसले असते....

उंचच उंच अश्या आकाशात पक्ष्यासारखी भरारी घेतले असते
तुझ्या प्रत्येक हसण्यामागचे कारण शोधत बसले असते
तुझ्या निरागस चेहर्यामागचे अल्लड भाव पाहिले असते
आणि शोधता शोधता अगदी तुझ्यच हास्यात रमले असते...
जर तु जवळ असतीस तर... माझे हे मन तुझ्याचसाठी हसले असतॆ

तुझ्या बोलणार्या त्या चेहर्याकडे बघुन मनातल्या मनातच हसले असते..
दाही दिशामधे अगदी तुझेच रुप त्याला दिसले असते
तुझ्या बेधुंद अश्या अदांकडे बघुन हरकुन गेले असते
आणि बघता बघता अगदी तुझ्यातच सामावून गेले असते.
जर तु जवळ असतीस तर...  माझे हे मन तुझ्याचसाठी हसले असत

मन हे स्रुष्टित बेधुंद फक्त तुझ्याच नशेत धुंद असते
तुझ्या नाजुक हातात हात पकडुन हक्काने ते फिरले असते.
बागेतल्या त्या फुलाप्रमाणे ते सुद्धा बहरले असते.
आणि बहरता बहरता फक्त आणि फक्त तुझ्याचसाठी कोमजले असते.
जर तु जवळ असतीस तर...  माझे हे मन तुझ्याचसाठी हसले असते.

तुझ्या प्रत्येक अश्रूंना आधार द्यायला ते तयार असते
तुझ्या प्रत्येक दुःखामधे ते बेधुंद असे सामावुन गेले असते..
तु हसल्यावर ते  मात्र हसतच गेले असते
हसता हसता मात्र ते फक्त तुझ्यासाठीच रडले असते.
जर तु जवळ असतीस तर...  माझे हे मन तुझ्याचसाठी हसले असते ...तुझ्याचसाठी हसले असते..

         -नयन मोहितकर..