जीवनाचा अर्थ…….
जीवनाचा अर्थ शोधता शोधता
कधी कधी स्वताला शोधावे
एक दिवस का होईना येणारे हसू आवर्जून जगावे ……
पाळण्यातल्या बाळामध्ये स्वताला नक्कीच बघावे
आणि कधीतरी त्याच्यासारखे बेधुंद
आयूष्य जागून बघावे …
फुलांच्या गर्दीत कधीकधी स्वताला शोधावे
क्षणभर का होईना त्यांच्या सुगंधासारखे
मदमस्त होऊन बघावे …
आभाळाच्या छायेत कधीतरी स्वताला निरखून बघावे
आणि स्वतासाठी जगता जगता कधीतरी
दुसर्यासाठी जागून बघावे …
पक्षांच्या थव्यांबरोबर एकदा तरी त्यांच्यासारख उडून बघावे
आणि सुख दुखं मधलं अंतर
अगदी जवळून बघावे …
निसर्गाच्या सृष्टीत एकदा तरी झाड होऊन बघावे
आणि दुसर्याच्या आयुष्यातले दुःख
कधीतरी अनुभवून बघावे
आयुष्यातले येणारे प्रत्येक हसू आवर्जून मनमुराद जगावे
परंतु एकदातरी ते हसू कोण्या दुखीतांच्या चेहऱ्यावर
नकीच आणून बघावे …
नकीच आणून बघावे ……
Comments
Post a Comment